К1ани Джейран.
Лезги чилел мехъер ала, вид я майдан.
Ви акунрал зун хьанава пара гьейран
Я сад Аллагь, икьван ийер женни инсан?.
Лезги чилин абур я зи к1ани джейран.
Вилер чlулав я ви багьа къашар хьтин.
Гъилер лацу я ви лифрен лувар хьтин.
Вун мили я лап са мулдин цуьк хьтин
Чи дагъларин руш я вун зи хаму джейран.
Рахада вун сивик галаз мили тир хъвер.
Ви гафари авуна зи рикlиз гьиссер.
Ат1ай гаф це на заз , ша, фад ийин мехъер.
Акъатзавач зи рик1яй ви ч1улав вилер.
Ша фин, джейран, чун кьведни
гуьнедал кьакьан.
Гъил гъилеваз сад-садахъ рахан, чид я девран.
Зи япариз татайла ч1авуз ви ширин ван.
Серин жезва рагъ алай югъ, зун
жезва пашман.
Тек са вун я зи - Тачиран - рикlин дарман.
Ша патав зи, мили, хаму кlани джейран.
Живедин маргъал хьтин лацу джейран.
Зи умудни мурад я вун к1ани джейран.
К1ани джейран
© Copyright: Тачир Аташов, 2013
Свидетельство о публикации №113102806447
Свидетельство о публикации №113102806447
Рецензии