Тыгъэ нэбзыеу оры сэ сиIэр,
Мазэм ычIыпIэ оры сфэнэфрэр-
О усэлъэгъушъ сыгу сэ мэчэфы.
Гъэтхэ ныбьжьыкIэу укъысфыкъок1ы,
Къэгъагъ мэIэшIоу укъызэIокIы,
Си шIункIы гъогуи о огъэнэфы.
***
БлэкIыгъ, блэкIыгъ кIымафэр,
Къэсыгъ, къэсыгъ сигъатхэ-
Сыгу сэ машIо къетаджэ.
Гъусэ, сэ о усшIынэу,
ГъашIэм сэ усиIэнэу,
Сэ сыпщыгугъэу, сыкъаджэ.
***
Сэ сиджэ макъэ о зэхэпхыгъэмэ,
Сыкъызэрэплъэрэм гу къылъыптагъэмэ,
Макъэ къэгъэIу, сыкъыуажэ.
Сыгу ихъыкIырэр, зэ о къэпшIагъэмэ,
МашIоу къыспыкIырэр къызэхэпшIагъэмэ,
Къаджэ - уадэжь сыкъэкIот, зысэIажэ.
Сигъэтхэ мафэ пкIэнчъы умышIэу,
Сыгу имашIо умыгъэкIуасэу,
Гъусэ о сышI, сыолъэIу.
Сыгу уиштагъэу, о ухэсхыгъэшъ,
ГъашIэм, узгъотымэ, о сыпк1ыгъутышъ-
Сыгу ихъыкIрэр осэIо.
Къэсыгъ сигъатхэ. орэд
© Copyright: Анатолий Зекох, 2013
Свидетельство о публикации №113102406061
Свидетельство о публикации №113102406061
Рецензии