Тыжьын ошъогум гузажъоу къэщэIоу,
Сянэ ымакъэ гумэкIэу къыщэIу.
Сэ сэшIэ - ар щыI, джэнэтэу ошъогум а итым,
Тянэхэм апсэ рэхьат зыщагъотрэм.
А лъагэу чыжьэ рэхьатым,
Щигъотрэп рэхьат, ыгу сыригъус.
КъижъэжъыкIэу ехьы гумэкIым,
Ыгу щыщ фаби къысеты, ащ сыригупс.
Ымакъи къысэIу кIэлэгъум къэкIыгъэу:
Къэтэджыжь сикIэлэхъу! Сипшъашъ ори ары!
Чылэ кIалэхэр тэджыжьыгъэу, мэджэгух чэфэу уары.
Хъурхъухъоу шъочъые, тхьэркъо цIыкIу шъушIыжьыгъэу.
Ей, сыдэу къина ар джы зэхэпхыныр;
Ащыгъум тхъэгъуагъэ - псыхъо мэкъагъ,
Бзыу Iо орэдэу ар боу дэхагъ.
ЫIэ фабэхэр сыгу сэ къэкIыжьы, ыгуи-хьалэлыр.
Тыжьын ошъогум, жъыу макъэ къыщэIу,
Тигупсэхэу - кIасэхэм ящэIу сэ къысэIу.
Ахэр: тянэхэр тэ къытфэгуаIэх, къытфэгумэкIых,
Агу тиIахь фаби ошъогум къытфырагъэкIых.
Тянэхэм апсэхэр
© Copyright: Анатолий Зекох, 2013
Свидетельство о публикации №113102106083
Свидетельство о публикации №113102106083
Рецензии