Згъотыжьытэп сигъашIэ ыцыпэ,
Згъэзэжьышъутэп сыкIоу ащ ыпэ;
Уахътэр сфэгъэзэтэп ыужым,
СытекIышъутэп сикIопIэ ужым.
Хъут къысшIошIэу, сигугъо сынэсэу,
СапэкIэ сыплъэмэ цIэнлъагъом сыкъэсэу,
ДэкIыпIэр зэжъоу, къушъхьэхэр инэу,
Ау сагъэсагъэп ащ щызгъэзэнэу.
Сэ сыщыщтагъэп къиным, сыуцуагъэп,
Пчыпыджынэу сыпхырыкIыгъ, сиIуагъэ секIугъ,
Сиакъыл сеупчIыжьыгъ, ащ седэIугъ,
Сыгу инэф дэсIыгъыгъ, ар згъэкIосагъэп.
Ба, макIа згъэшIэщтыр, сапэкIэ сэплъэ-
Сэ сыцIыф! ЧIэсынагъэп ситеплъэ:
Сыд фэдэ мылъкукIи хэти зесщэнэп,
ГъэшIэрэ щыIэр шIункIым Iысхынэп.
Сэ сыцIыф! СыкIот сапэ езгъэхъоу,
Шъыпкъэр сыгу илъэу, зафэм сылъыхъоу.
Хэт шIункIыр, дунаим - сэ згъэнэфыт!
Хэт цIыфыр гукъао - сэ згъэчэфыт!
Сэ сыцIыф!
© Copyright: Анатолий Зекох, 2013
Свидетельство о публикации №113102105941
Свидетельство о публикации №113102105941
Рецензии