Уары къэлъагъо, Iодышъэ къэшIэты,
Гум игушIуагъоу бгъэм къыдэлъэты.
А лъагэр слъэгъунэу сэ сигугъагъ,
Ышъхьапэ сыпытынэу ащ сыфэягъ.
Слъэгъугъэ, згъотыгъэ, сыхэт сэ ошъогум,
Iодышъэ сытет ышъхьапэу ышыгум.
Гум игопэгъоу оркIэ нэкIыгъэ,
Спкъышъол псэфыгъэ, сыгу бгъэшъокIыгъэ.
МыжъолъэпэтIыргоу - осшъхьэшыгунэтIэф,
Гур ыгъэтIыгурыгоу - иныжъшъхьитIунэгунэф.
Пщэгуфхэр уипаIоу, уашъом уитэджагъэу
ГъашIэм удакIо гъэпсэфыр уиджагъоу.
ШIу услъэгъугъ о, сыгу ухэпкIагъ,
Джыри укъэджэщт о, - ахэр сидагъу.
СыкъэкIот сэ уадэжьы, ар сищыкIагъ,
Къэгъэнэф уилъагъо, уигъогу къэгъэлъагъу.
Iодышъ
© Copyright: Анатолий Зекох, 2013
Свидетельство о публикации №113102105863
Свидетельство о публикации №113102105863
Рецензии