СикIэлэгъу

Анатолий Зекох
   


Мары   силъэпцIэ   гъэмафэр,
Мары   сигъыпIэ   кIэлэгъур:
Ахэр     гучэфэу    щытыгъэх,
Ахэр    гукIаеу    блэкIыгъэх.

Зэманхэр   кIогъахэх, тешIагъэу,
Сэ слъакъуи лъэпцIэжьэп бэшIагъэу.
Мыщ   къэсфэ,  сиIагъэр сэ гугъоу,
Чэщ шIункIым, къысфакIо  гугъапэу.

Къэбыбых, мэхьарзэх, мэбыух,
Сыгу   рахы,   сичъые   стырахы;
Ащ сахьы, блэкIыгъэу, бгынагъэу,
КIэлэгъоу сиIaгъэм  ныбжьыкIэу.

Нэфшъагъом сыгу пагъэу, сыхьарзэу,
Осэпсуцкъашхъом лъапцIэу сыхэтэу,
Губгъуи,  мэзи,  шъофгъогуи   сащэкIо:
Джащ  фэдэу  кIэлэгъум  сэ  сэкIо.

Псы шхъуантIэм сыхапкIэ сыпцIанэу,
Псы    куум   сыхахьэ    сыкуоу.
Къэкуох пхъэшъаби, пцыелгъыри адрабгъоу,
КъэгушIох, къэбар къысфаIуатэ агу пагъэу.

Зэманхэу, сэ сыеу-лъэпцIэ кIэлэгъу:
Ахэр  гукIаех,  ахэр  гушIуагъох;
Садэжьы къакIох, гугъапэу къыслъэкIох,
Iум  къысшIегъуалъхьэх,  гур  агъэбэгэу.


© Copyright: Анатолий Зекох, 2013
Свидетельство о публикации №113102105774
Список читателей / Версия для печати / Разместить анонс / Заявить о нарушении
Другие произведения автора Анатолий Зекох
Рецензии
Написать рецензию
Другие произведения автора Анатолий Зекох