Мафэр тынчы, уашъор шынкIы,
Пкъыр мэшъхьахы, гур къэмахэ,
Гугъум сехьы, сижь зэIуехьэ,
Зэфэшъхьафмэ сягупшысэ, ащ сяусэ.
Сигупшысэхэм къакIуахьы - ахэр пчыкIэу
Къаблэу, кIуасэу, мэшIо бзыйхэу:
Уашъом дэкIых, чIым пхырэкIых,
ХычIэм чIахьэх, гум пхырэкIых.
ЗэкIэкIожьых, ыпэ макIох,
ЩыIэныгъэр ащ къакIуахьы,Iусыр къахьы
ЗэпышIагъэу, зэпэшIэтхэу, гугъэ бзыйхэу,
Дзэ сатырхэу, шыIэхъогъухэу, мэкъэгъэIухэу.
Сыхэблахьы, сегупшысэ нахьыпсынкIэу;
Жьыкореным сызэредзэ сыгу зэпикIэу.
Сигупшысэхэр къежьагъэшъ, джы Iэсэнхэу
КъыуаIотэп, къыбдаштэтэп уцужьынхэу.
Жьбгъэ хьарзэу къысфахьыгъэр къыстратакъо,
Амал сиIэп зэхэсфынэу - дзэр мэтакъо.
Сахэбанэ, къахэсэтхъы зы Iуданэу,
Зы гупшысэ сыгу рихьэу, жьыр уцунэу.
Сигупшысэхэр къэуцух къэдэIонхэу-
ЗэкIэужэу, дзэ сатырэу зэдрагъаштэу;
Сызыфаеу сэ хэсхыгъэу, сыгу ыштэу
СIу къегъуалхьэх, жэм къыдахьэх къыдэкIынхэу.
Гупшысэхэу бзэгум иIус
© Copyright: Анатолий Зекох, 2013
Свидетельство о публикации №113101804789
Свидетельство о публикации №113101804789
Рецензии