Жимачу адамна лерина

Асет Халикова

Синтемах далар а х1ун ду ца хууш,

Мацделча дузар бен,

К1адделча дижар бен

Дахар ца девзаш,

Цхьа жима адам ду дуьнен чохь кхуьуш.

Малийкийн хьестарх а г1енах ша доьлуш,

Хьаьстича делар бен,

Човхийча делхар бен

Дуьне ца девзаш,

Цхьа ц1ена дог ду-кха сиха детталуш.

Цхьа беха некъ бохьуш кху лаьтта деана,

Кохкурша къийлар бен,

Хьацарх самдийлар бен

Ирс, бала ца бевзаш,

Цхьа жима малик ду-кх адаме доьрзуш.

Х1ун хаьа х1ун гур ду дахарехь цунна,

Я цуьнан г1енаша цуьнга х1ун дуьйцу?

Массара лайнарг бен,

Массо а хьегнарг бен

Х1ун дара дахарехь цунна ган диснарг?

Ден, ненан къа токхуш дуьненчу даьлларг…

Ша т1аьхьадисна а,

Я хьалхадаьлла а,

Адамийн доьхьа цхьаъ д1адала дезарг.

Кха дагарх,

Ц1а дагарх

Са дагор доцуш,

Цхьа жима адам ду-кх,

Ирсо хьаьстиний бен,

Балано лазийний бен,

Дуьне шех диса йиш йоцуш…

Список читателей / Версия для печати / Разместить анонс / Заявить о нарушении

Другие произведения автора Асет Халикова

Рецензии

Написать рецензию

Д1аваха ца кхеташ волу хьаша санна, хьан страници т1ера д1а ца яг1алуш, йийши аса хьан проиведениш.
Ондда корматалла елла хьуна Дала, мотт хаар, яздан хаар- хьан-хьанна а ца ло Хастамхиларо!
Дала аьтту бойла хьан! Дала пох1малла сов йоккхийла хьан!!!

Ларамца. Атаг1ара Азман.

Аза Атагинская 21.10.2013 01:35 • Заявить о нарушении

+ добавить замечания

Написать рецензию Написать личное сообщение Другие произведения автора Асет Халикова