Сірацінка - каліначка
Так схіліла галіначкі
Над вадой, каля берага,
Дзе чакала і верыла.
"Адкажы мне, каліначка,
Падкажы мне, чароўная,
Ад чаго зажурылася
І чаму ты бязмоўная?"
"Ад таго зажурылася,
Што расту сірацінкаю,
Ды каму маладосць
Падару я з галінкамі?"
Ёй і ветрык шапоча,
Забаўляе да вечара,
Толькі сэрца каліначкі
Ўсё чакае ля берага…
Не турбуйся, каліначка,
Будзь ты лёсам шчасліваю,
Будзь заўсёды ласкаваю,
А ў жыцці-не адзінаю!
ПрыпеЎ:
Каліна - маліна, надзея мая,
Ты радасць кахання і зорка мая.
Каліна- маліна з нябёсаў прыйшла,
Цябе я кахаю - зязюлька мая!
Калiначка
© Copyright: Людмила Шаблыко, 2013
Свидетельство о публикации №113092700788
Свидетельство о публикации №113092700788
Рецензии