Нешли дагьесбес-хIадагьесбес

Ну уира кайъиле,
Ца рурси мякьла ракIиб,
Царри итIра пашманле,
ХIу цайривгъа Салим иб?!

Гьарсугьуле тIарира,
Цайра ну Салим ира.
Цес пашмая царрира?
Це мурад леба бура.

ГIядаб рухъун их цIакьле,
Иб лихIахъагъа намке.
УркIилзела гIядабдеш,
Цаб бурале, гьамадле.

Ну акIунил замайзе,
ЛеракIиб букIар нешли,
Пикрумбе лер бекIизе,
"Их" нешли бирувутIи?!

Гьанна хуги ригъулра,
Вай гьади угай нешла,
Иххъуна хIарурунра,
КьарикIан ну талихIла.

Гъая гъайбукIлаличу,
Неш цари зягIипизе,
Куна цара ибхIале?!
БукIар Буйнакскизе.

Неш кераэс хIаралта,
Ямандешли дудешла,
Гьаман-гьаман укIари,
Церирда авлия тIала?!

Нешла гIяйип цабу итI
Цари зягIип рикибил?
Ития иза цабчи,
Аллагьли итис гибил.

Дия хугил узи лев,
Цабари итини иб,
Рузи хIу хIязирругье,
Нешике аркяхIа иб.

Аркьуй нуша багьале,
ДалтхIадалта дудешли,
Ардукьалра дигIяйле,
Вай дагьесара нешли?!

ГIямру декIил зат цари,
ХIу пашман маруруда.
Лебил бурар жеголе,
Агь, хIу рисмарисуда.

ХIа нешра арарурар,
ЦIябил дунъя шабурар,
Эш назму белчIунтера,
ХIатI ахIял талихI букIар.