Т1ебиатни дегиш хьанай
Зулун йикъар атайла
Мукьвал-мукьвал къай кваз атай
Марфади тан гатайла
Къвез-къвез чуплах хьанай тарар
Элкъвез хъипи рангариз
гару ягъиз,вегьез чилел
Пешер физвай яргъариз
Пешер гам хьиз эк1ягъ жезвай
Инсан физвай рекьерал
Эхиримжи йикъар я чин
Дамах хъийин чилерал
Хъипи пешер шуьтруь хьана
Гьатна михьиз кьарада
Чилел чипин гелни тунач
Жив ацукьай арада
Гьар са тарцин пеш са нехиш
Сад къацуд тир сад жегьри
Пеш к1вахьайла ухшар хьана
Тарар сад-садаз вири
Зулун дегишвилер
© Copyright: Гулья Мисриханова, 2013
Свидетельство о публикации №113092208065
Свидетельство о публикации №113092208065
Рецензии