Пхурумня дэ дром мэ удыхтьем,
Латэ дэ якха паш джиипен,
Дасаво дэ латэ кхыныпэн,
Мэ илэстыр ла потангиндем.
Закамьем мэ лакэ тэскэрав
Сода, соб явелас лачипэ,
Мэ багав, ромалэ, чачипэ,
Припхэндем ловэ лакэ тэдав.
Холямес пэ мандэ подыхтья
И ракирла: «Чаворо миро,
Джя Дэвлэса, тро дром бахтало!»
И хаспря ей мандыр на лыя.
Со холясыя – на полыем,
Халев, думиндя, со хохавав.
Камьем лачипэ мэ тэскерав,
Пал дава со дай мэ взрипирдем.
Чебинэ, ромалэ, тэпатяс
Ек екхэске – амэ сам рома.
Чебинэ манушенца тэявас
Коли злиджинэ амен дрома.
Пхурумня мэ удыхтьем. Песня на цыганском языке
© Copyright: Арман Цыбульский, 2013
Свидетельство о публикации №113091907521
Свидетельство о публикации №113091907521
Рецензии