Азиз диде вуна ч1угур зегьметар
Са ч1авузни ракъурдач за рик1елай
Зат1ни к1андач заз дуьньядин девлетар
Са вун к1ан я лугьузва за к1евелай
Азиз диде вин чинавай биришар
Гьарма сад са рик1ин т1ал я фикир я
Пашман кьисмет ийиз дахьай вердишар
Бахт алачиз атана фей уьмуьр я
Дяведа кьве стха телеф хьанай вин
Ясди кьуна партал ч1улав хьанай вин
Жегьилзамаз ч1арар рехи хьанай вин
Азиз диде ракъурдач вун рик1елай
Гьин патахъ зун фейит1ани гьамиша
Акъат тийиз рик1ин къене жеда вун.
Авай сад я шевриз хвенвай руш лугьуз.
Фикир мийир,ваз вафалу жеда зун
1973 год
Диде
© Copyright: Гулья Мисриханова, 2013
Свидетельство о публикации №113083100810
Свидетельство о публикации №113083100810
Рецензии