Лугьуда кьван са сеферда
Цавараллай малаик
Лув гана атана чилел
К1ват1на цуьквер къваларихъ
Гьардаз вичин т1вар багъишна
Садни бейкеф тавуна
Сад беневша ,сад къизилгуьл
Сад амукьна такуна
Бейкеф хьайи гъвеч1и цуькре
Малаикдиз минетна
Зун рик1елай ракъурна на
Т1вар ганач заз къелетна
Гъвеч1ивиляй вили цуькрен
Ацукьнавай къерехдив
Акван тийиз мад сеферда
Къекъвена ам дикъетдив
Мукъаятдиз килигайла
Къацу векьин арада
Са цуьк ава ажеб гуьзел
Беден туна кьарада
Багъишламиш зин гъвеч1и цуьк
Малаикди минетна
Вун рик1елай ракъурна за
Гьикьван гзаф къелетна
Гьейран жедай т1варни гана
Цуьк (рик1елай ракъурмир)
Буйругъ гана рекъинизни
И цуьк вуна кьурурмир
Рик1елай ракъурмир
© Copyright: Гулья Мисриханова, 2013
Свидетельство о публикации №113083100682
Свидетельство о публикации №113083100682
Рецензии