Рик1е авай гафар к1ват1на
За ваз кагъаз кхьена
Куьгьне кагъазрин арада
Вин адресдихъ къекъвена
Кхьизва за амма чизвач
Гьик1 агакьардат1а вав
Ахварайни вун аквазва
Хъел кваз рахан тийиз зав
Гьинава вун,Гьинава вун?
Вакай авач са хабар
Вин кьисметдин са ван тежез
П1узаррал жезва къабар
Багъишламиш зин к1ениди
Кьисмет хьанач санал чун
Т1ебиатди багъишна чаз
Яргъа хьана дерт ч1угун
Кхьизва за ,куьтягь жезва
кагъаз кьунвай гъиле зи
Амма сак1ан куьтягь жезвач
Гафар хуьзвай рик1е зи
Акьалт1арай кагъаз к1евна
За накъварин ст1алдал
Вегьез дахьай кагъаз къени
Алама зин столдал
1987год
Вегьез дахьай кагъаз
© Copyright: Гулья Мисриханова, 2013
Свидетельство о публикации №113083101130
Свидетельство о публикации №113083101130
Рецензии