Дагъдин хуьре ч1ехи хьана
Я газ,я экв авачиз
Аял вахтар къвез акъатна
Буба кьилел алачиз
Вад йисавай Буба кьейла
Дидедиз веси туна.
Хатур хамир ,хуьх зин бала
Масад хъуьруьр тавуна
Акьуллу хьухь вун чан бала Бубадин веси твах кьиле
Луьгьуз дидеди туьгьметдай заз. Перни кт1а яхъ гъиле.
Гьина диде хьайит1ани
Гуьгъуьнаваз жедай зун
Четинвилер хьайла пара
Адахъ галаз шедай зун
Диде сад тир ,крар гзаф
Агакьдачир вири хьиз
Гьеллебаз жез катдай зунни
Адаз куьмек гун тийиз
Къвез акъатна аял вахтар
Ц1увад сарив агакьна
Дегиш хьана беден,къилих
Гьар са к1валах алакьна
Шад я диде, вилер хъуьрез
Дамахдив заз килигиз
Физва бала вилик-вилик
Таз къелемар илигиз
1974год
Зин аялвахтар
© Copyright: Гулья Мисриханова, 2013
Свидетельство о публикации №113083110309
Свидетельство о публикации №113083110309
Рецензии