Кьисмет продолжение

 Секинзавач дидедин рик1
 Къал къачузва ара физ
Вуч ят1ани зин хзандихъ
Гьуьрмет  амач  вилик хьиз

Гьаян жеда дидед рик1из
Пис кар к1вализ къведайла
Лугьуда  дагъдин халкьари
Ч1уру  крар жедайла

Зайиф жезва  кьуьзуь беден
Дидедин югъ-къандавай
Зат1 аквазмач вилеризни
Къал акваз хзандавай

К1вализ хтай Халил акур
Чан амукьнач дидедихъ
Эверна хва гъана патав
Ацукьарна к1вачерихъ

Бала  заз вахт т1имил ама
Куьн арадай физва зун
Амма заз са мурад ама
Куьн хзан чук1ун тавун

Эхиримжи гафар хьана
Акъатай дидедин мецяй
Вилик чан гай диде акур
Хцяй акъатна гьарай

К1ват1на  халкьар мукьва-кьели
дерди-бала авуна
Секинарна дидедин мейит
Ат1ай чилик кутуна

И к1валахар вири акваз
Лигим жезвай Сельми язух
Дидевилин гьиссер чанда
Югъ-къандавай жезвай артух

Гьеле туьхвенвач зин уьмуьр
Кьве бала зин гъетер я
Вафасузвал  кьисмет я зин
Ибур вацран эквер я

Ац1ана Сельмидин вилер
Ст1ал-ст1ал накъварив
Агудна кьве хва хурудив
Ацукьарна къваларихъ

Физвай вахтар  кьаз жедай
Къуват авач заз
Вафасуз Халилаз гур
Къамат авач заз

Чара хьана Халилвай
Никягь гахчуна кьулухъ
Зун аялрин диде я
Вин паб туш къедлай кьулухъ

Гуьзетначир Халила
Ик1 дегиш жед лагьана
Сельмидин рик1 гьулдандиз
Элкъвей вахтар атана

Кьил агъузна Халила
Хиве кьуна вичин тахсир
Эхиримжи эхтилат хьуй
За акъайин ваз мад са сир

Кьейит1ани яргъал туш вахт
Захъ амайбур хиялар я
Чир хьурай ваз на хуьзвайбур
Са бубaдин аялар я