Кьисмет продолжение

Гьахьна варциз секинарна
Мал-джамални Сельмиди
Я свас вун гилалд гьинавай
Къал къачунвай къариди

Хеб дахтана адахъ  къекъвез
Геж хьана  зун диде чан
Лугьуз ада секинарна
Къати хьанвай къарид ван

Тади кваз ахъайна суфра
хзандиз т1уьн гун патал
Секинарна гъвеч1и-ч1ехи
Архаин ксун патал

Секиндиз ксана хзан
Дуьнядкай хабар авач
Анжах тек са фагъир Сельми
Дертлу яз ахвар амач

Геждалди ацукьна Халил
Кьебле патан дугуна
Секинарна вичин беден
Фикир-фагьум авуна

Яваш-явашдиз къарагъна
Винелди гьатна рекье
Марал(ан) к1валив агакьайла
Руьгь гьатна адан рик1е

Экв кузма пенжерда гьеле
Ахвараллач зин Марал
Лугьуз Халил хкаж хьана
Маралан к1валин варарал

Эхъен акур Марала  тадиз
К1валевай экв туьхуьрна
Беден акъудна дак1ардай
Халилал гъил туьк1уьрна

Гуьзлемишиз зин к1енид вун
Заз йифен ахвар амач
Ша гьахьа вун зин хуруда
Заз мад гьич кьарай амач

Туьхуьр жезвач завай сак1ан
К1енивилин ц1елхем зин
вун патав гвай декьикьайра
Зун бахтлу я .рик1 секин

Эхтилатар ийиз-ийиз
Вахт акъатна секиндиз
Экв жедалди абур кьведни
Къаткана архаиндиз

Кас-масдиз такун паталди
Экуьнахъ фад къарагъна
К1анз-дак1анз Халил хтана
Мад бахчада к1валахна
 
кьат1 ама