Кьисмет продолжение

 Кхвез алатиз фена вахтар
Ч1ехи жезвай стхаяр я
Ухшар хьанвай  на лугьудай
Са бубадин рухваяр я

Сала-багъда артух жезвай
бегьер гузвай къелемар
Хуьруьнвийри амал къачуз
Цазвай  гзаф келемар

Халилани кьуна вичиз
Са еке сал келемрин
физ базардал гуда занни
Ч1угван зегьмет алемдин

Экуьнахъ физ фен-кьулариз
К1вализ хуьквез жедай ам
Галат жедай яргъи юкъуз
Къведачир камунихъ-кам

Тек я вун са куьмек авач
Галат жезва вун язух
Чан дидедин хъша фу нез
Ма къачу ваз и ястух

Диде жедай мез-гъвел ягъиз
Вичин хцихъ гелкъвейла
Регьят жеда чан бала ваз
вахт хъуьт1уьхъди элкъвейла

Халил шадзамач вилик хьиз
Вуч хьанват1а хцихъ зи
Лугьуз диде фикиррик квай
Масад жезва къилихни.

Вуч хьанват1а гъуьлуьхъ эхир
Фикирзавай папани
Гьамиша хиялрик ква ам
Рекъизва чин арани

Шадвилелди рахазмач ам
Са квел ят1ан пашман я
Я хзан хзан хьиз амич
Вин залум рик1 гьулдан ян

Туьк1уьра заз кусур чка
Я руш Сельми тади я
фад къарагъна К1анда пака
Сал к1ват1ун зин буржи я

Гьаз квачиз лагьана папаз
Халил к1вачел къарагъна
Вилни ягъ тавуна патаз
Яргъан винел ак1агъна

Гьа ик1 къвез-физ хьана йикъар
Папан гьалар сефил я
К1валин к1валах куьтягь жер туш
Кьве биц1ек хуьн т1и мил ян

Хеб -мал хукун .верч хъиягъун
Аватнавай Сельмидал
Кьуьзуь диде начагъ хьана
Физ-хуьквезвай  миск1идал

Кьасухдай хьиз хтанач хеб
Ньяни хьайла хуьквезвай
Багъдин кьилихъ фена Сельми
Вичин хпехъ Къекъвезвай

Кьве кас атана къаншардиз
Гъилер-гъиле авайбур
Экв зайифдиз чир жезвачир
Чинар анихъ галайбур

Квахьнавай хеб жагъуриз к1анз
Атанвайди я зун къекъвез
Лугьуз Сельми патав фена
Мумкин кар я акуна квез.

Килигдай амукьнач вилер
Сельми къах хьиз амукьна
Зурзун гьатай адан беден
Бушдиз чилел ацукьна

Дишегьлидай акъатнач гаф
АМ элкъвена хъфена
Халилак лап акатна хъел
Вичин папал элкъвена

Лап хъилелди килигна ам
Гьейран хьанавай Сельмидиз
Гаф акъуднач ада папай
Фагъир кисна килигиз

туна инал кесиб Сельми
Халил анихъ дуьзмишна
Килигиз адан гуьгъуьниз
Рик1 дердери пузмишна

Ацукьна гьа багъдин кьилихъ
Вилин накъвар к1вадарна
Рик1 пад авур муьгьуьббатди
Амай крар квадарна

Хкаж хьана  перишандиз
Сельми цавуз килигна
Мич1и цавун экуь гъетрев
Вичин уьмуьр гекъигна

Низ чир хьурай кьисметди заз
Гьикьван дердер гудат1а?
Халила ваъ.балайрини
Зин жигерар кудат1а?

И хиялар ийиз-ийиз
Хтана ам гьаятдиз
Варарихъ акъвазнавай хеб
Вичин иес вилив хуьз
     Кьат1 ама