Кьисмет

 Хьана хзан ац1ай к1вални
 Багъни галай авадан
 Кьуьзуь диде.жегьил свас. хва
бес им бахт тушни адан

Гьар экуьнахъ фад къарагъиз
Къачузвай лап зирекдиз кам
Акунрай хзан я бахтлу
Ухшар тир лап кьегьалдиз ам

Хуьруьнвийри Халилан
Ийизвай тариф
Ч1угвазва касди зегьмет
тейижиз югъ-йиф

Са экуьнахъ къарагъна
Ц1ур ийидай ван хьайи
Халил  фикирри тухвана
Вар ахъагъиз к1ан хьайи

акур ч1авуз ацукьнавай
Самар маркунин к1ане
Дишегьли чин ат1угънавай
К1ич1 гьатна адан рик1е

Вуж хьурай им ин вахтунда
зин маркунихъ галайди
Патав фенмазд чир хьанай кьван
Адаз инал алайди

Элкъвена хтана к1вализ
Паб ахварай авудна
Къарагъ.ша фад килиг лугьуз
Ам гурарай авудна

Гьейран хьайи дишегьлидвай
Кьат1уз жезвач са зат1ни
Ша зин патав .куьмек це заз
Гьарайна мад а касди

Тадиз фена гъил эцигна
Ц1ай хьиз кузвай бедендал
Вуч хьанва вахъ я азиз вах
Чин к1евмир на эхъендал

Агакьнач ам жаваб къачуз
Дишегьлиди гьарайна
маркун к1ане .самар винел
Чан кьве патал апайна

Ахъатай экуь дуьньядиз
биц1ека къал къачуна
Дидедиз амукьнач вилер
аллагьди чан гахчуна

Алчударна хуругандал
Халилан папа а аял
Авадарна вилин накъвар
хкаж хьана айвандал

К1ват1 хьана вири къуншияр
Адан шедай ван хьайи
Вуч хьанва вахъ.вуч ван-сес я
Вуч хабар я им къайи

Акур ч1авуз чан акъатай
Маркун к1ене дишегьли
гьейран хьанай гуьрчегвилел
К1ват1 хьайи халкьар вири

К1ват1 хьана ахъсакъалар хуьруьн
Фикир -фагьум авуна
кучудна ам хуьруьн кьилихъ
Галай сурар(ин) дугуна

Хва амукьна халил папаз
Сад чкадал кьвед хьана
тафаватвал  тун тавуна
Амхайидай кьаз хьана

Хурудин нек кьве патална
Гана ада аялриз
Фикир гана дикъетдивди
Кьве аялдин амалриз

Т1вар эцигин и хцелни
Кьадайди хьуй Батырахъ
Тагьир хьуй ман адан т1варни
Элкъвена ам Халилахъ

       кьат1 ама