Хаза йоl,хьо х1унда йоьлху,
Ирс гена дели-те хьуна?
Йоьлхуш хьо 1адда а йитна,
Бахна-те хьан аьтту лула?
Безаман пусар ца дина,
Вели-те везнаверг гена.
Шеконо сатийсам аьгна,
Синк1оргехь къаьхьа къурд битна.
Хьайн дагчохь лекхалле ойуш
Везначо дош аьлла дера?
Я дагна гергара хеттарш
Уьйр хадош, бевли-те хера?
Дашо малх шена схьакхетча,
1алам а самукъне хуьлу.
Беттаса ша хьеста доьлча
Буьйса а серла ма йолу.
Ма елха б1аьрахиш легош.
Дог хьостуш, йог1ур ю б1аьсте.
Баланаш хьох гена бохуш
Безамо тосур ду заза.
Азман Джабраилова
Хаза йо1, хьо х1унда йоьлху?
© Copyright: Аза Атагинская, 2013
Свидетельство о публикации №113082309338
Свидетельство о публикации №113082309338
Рецензии
Прекрасное стихотворение, как, впрочем, и все Ваши стихи. Дала аьтто бойла!
Иса Шамаев 10.03.2014 23:43 • Заявить о нарушении
Иса Шамаев 10.03.2014 23:43 • Заявить о нарушении