Акъатзамач руьгь кьунавай и къаяр,
Галатна зун муркар, живер атIур кьван.
КIанзамач мад кьисметдивай заз паяр,
Хкадарда начагъ чанда на тур къван.
Хуш яни ваз гьар камунал тIарин рикI?!
Дегиш хьанва чIана я зун ви виле…
Им вуч сир я, кьабулзава вуна икI,
Марвардин кIунчI къараткен хьиз зи гъиле?
Геж-фад къведа багьнайризни са эхир,
Чуьнуьх женни гьич къуьуруьвал гьиссерин?
Айиб авач, ахъа тахьуй ви пехир,
Фида зун тек, гуьгъуьнаваз дердерин…
Дегиш хьанва
© Copyright: Билал Адилов, 2013
Свидетельство о публикации №113081300591
Свидетельство о публикации №113081300591
Рецензии