Муртуз рикIел хтана зи... зарафатдин шиир

Билал Адилов
Чаз мугьманар атанва къе,
Яргъал мензил атIанва къе.
Чидач, гьина акIанва къе?
Муртуз рикIел хтана зи.


Булвар пата экъвена чун,
Бузовнадихъ элкъвена чун,
Са кьуьзекахъ къекъвена чун,
Муртуз рикIел хтана зи.

 
Бакудин и чими юкъуз,
Са серинвал къачун лугьуз,
Билгегьда чай хъвадай чIавуз,
Муртуз рикIел хтана зи.


Буба акун тир эрзиман,
Вучиз ятIа ам эркиван?
Пелеш я къе кьуьзуь–жаван,-
Муртуз рикIел хтана зи.


Экъвез хьана шегьерда чун,
Жегьилвилин тегьерда чун,
Нян кьиляй – къегьерда чун -
Муртуз рикIел хтана зи.


Ноутбукар галаз вилик,
Авурлахъди «инет» гъилик,
ИчIи тир гьикI стул кьилик,
Муртуз рикIел хтана зи.


© Copyright: Билал Адилов, 2013
Свидетельство о публикации №113081206774
Список читателей / Версия для печати / Разместить анонс / Заявить о нарушении
Другие произведения автора Билал Адилов
Рецензии
Написать рецензию
Другие произведения автора Билал Адилов