РикIе гьатна са гъулгъула,
Ксуз жезмач гила завай.
АватIани ялав къула,
Акатнава зи чандик къай.
КкIизва зун жувахъ галаз,
Лугьуз, вучиз яргъална ам?
Ацукь гила накъвар ргаз,
Чир жеда ваз чаравал, гъам!
Амукьда вун серсери яз,
Канивилихъ ихьтин къекъвез.
Жагъур женни, лагь кван на заз,
А карудан гьич са эвез?
Яр чанни гуз ваз гьазур тир,
Бес валай вуч алакьна, лагь?
Гила, хьана ийир-тийир,
ЧIугу азаб, Билал Далагь...
2012
ЧIугу азаб...
© Copyright: Билал Адилов, 2013
Свидетельство о публикации №113072509709
Свидетельство о публикации №113072509709
Рецензии