Кlимарса илли хинна,
Дега чу ахка дека.
Хозагlа йоа оаз а хинна,
Цlувзарг хинна ека.
Ека хlаьта, безам мелб,
Шедолг-пхьар хинна.
Дека хlаьта, хьашт хьай мелд,
Са кlимарс хинна.
Гой хьона са лепа седкъа,
Сахула седкъа беций?
Беттала бийса ма леткъа,
Са тоам хьо беций?
Хийла хьа файтона тата,
Са дега чу ловза.
Цагена теха фата,
Ткъес хинна говза .
Хьалха мо ма велац со,
Сонтал йожаяьй са.
Арз йоаккхаш велхац со,
Кlаьдал йоагаяьй са.
Цlувзарг lа ткъамилг хьай,
Дикка лорабелахь.
Цlеро а доагаду хьона тай,
Укх мехка ма елахь.
Гlермане, 22. Кlимарса бетта 2013 шу
Кlимарса илли
© Copyright: Микаил Сапралиев, 2013
Свидетельство о публикации №113072300736
Свидетельство о публикации №113072300736
Рецензии