Им гьихьтин аламат, им вуч гъам ятIа-
Жуван гъилеривди бамишун бахтар?
ЦIайлапан еришдив гьикI атанатIа,
Сел хьана авахьна, фена чи вахтар.
Чи рагъ фад хъфена, фад кьацIар гана,
Ашкъи, зулун пеш хьиз, саки аватна,
Гилавар галукьна, бегьерар кана,-
Гуьлуьшан багъдикай цацар амукьна.
Тек са вун рикIеваз къачузвай нефес,
Хиве кьазва гила, ингье тек я зун,
Дуьня зун паталди - ичIи тир къефес,-
Луварар ханавай начагъ лекь я зун.
Гьа ик1, гуьгъ гуьзетиз, куьтягь хьана мах,
РикIел къвез, са шавхун акатзава захъ…
МичIери ахъайна заз вичин къужах,
Ша лугьуз, ялзава гьа чпин патахъ…
Жуван гъилеривди...
© Copyright: Билал Адилов, 2013
Свидетельство о публикации №113072106064
Свидетельство о публикации №113072106064
Рецензии