Ущыжеям афIэкI укъэмыушыну,
Дуней щIыщIыIур къыфI зэу къыстепщIат,
ГщуапIэ щабэу щIым узгъэтIылъыну,
ЖумыIэ щIыкIэ ажалым уипхъуэтат.
Налкъутналмэсу дунейм уэ ущызиIэм,
Си анэ дахэ, жьыр къыщепщэр сщIакъым,
СыщеIусам сымыщIэу уи Iэ щIыIэм,
Къысхуэбгъэгъунщ - хьэдрыхэ сыбдежьакъым.
Къыпщхьэщыхьау псэхэхыр щыпщхьэщытым,
Къэхъуар сымыщIэу си жейр зэу зэпыуащ,
ЖимыIэауэ уэ къыихуэкIуа уи хьэщIэр,
Игъуэу си анэ сэ къэзумысащ.
Х у е я т абы уищIыну хьэдэ къуаншэ,
Бын пажэм мурад фIейр зэпызудащ,
Къысхуэнэжам дунейм сытет хъуну сытыншу,
Къуэм и къалэныр уи деж щызгъэзэщIащ.
Уи нитIыр иужь дыдэу щызэтеспIэжым,
Си гум щыщIар зыхуэдизыр пщIэнкъым,
А къалэн гугъур нэгъуэщIым лъызгъэсам,
ИтIанэ сытыт сэ сызиIысыжыр?
Уэздыгьэ нэхуу афIэкI узимыIэжми,
Си анэ дыщэ зэи усщыгъупщэнкъым,
Уи закъуэпцIийуэ зи пащхьэм уихьэжынум,
И нэфIым Хьэтэт солъэIу ухимыныну!
2.7.2013
Си анэ ХьэIишэт и фэеплъу
© Copyright: Абубакир Жемухов, 2013
Свидетельство о публикации №113070904846
Свидетельство о публикации №113070904846
Рецензии