КIев хьана чи улуб, чи ашкъидин чар,
Цав кьуна цифери, чIур хьана гьава,
РикI кьве цIил жезава, шехьзава зар-зар,-
За дердер гарариз къе ахъайзава.
Вири дегиш жезва дуьняда фани?
Жаваб це, вуна заз, эй зи эркиван!
Агакьнач вав зи ван – вун тир заз кIани!
Пел чIурна, кисунив кьуна заз диван.
Заз акур тушир ви ванце къайивал,
Гила килигунни къайи я, мурк хьиз…
Мад тикрар лагьанай, гьикI я хьайивал,
Чидач, алахъдатIа, вун ашкъи къгъиз…
Агакьнач вав зи ван
© Copyright: Билал Адилов, 2013
Свидетельство о публикации №113070903256
Свидетельство о публикации №113070903256
Рецензии