Гьар са чIавуз вилер тек вахъ къекъведай зи,
Кьарай квахьна, рикI гъалапIиз экъведай зи…
Заз акI жедай, санал жеда чун гьамиша,
Ашкъи хуьниз алахъ тавур, зун багъиша,
Зи мурад тир вакай авун са бахтавар,-
Алакьнач гьич... гьакI гьавайи фена чIавар…
За лагьанай, уьмуьр жедач вун галачиз,
Тар цана за, бегьер ганач пун галачиз …
За фагьумнай, гьижрандин цIу алугда зун,
КIвачел къвазин четин жеда, алукьда зун.
…Тегьне мийир, вахъ мадни вил кума лугьуз,
Багъиша на, зун текьена ама лугьуз…
За лагьанай, уьмуьр жедач вун галачиз...
© Copyright: Билал Адилов, 2013
Свидетельство о публикации №113053100909
Свидетельство о публикации №113053100909
Рецензии