Вучиз икьван вун я дарих?
Туьхвена хьи рик1ин ялав?
Къе зун я ваз ухшар, гьайиф –
Чун сад садан жедач патав.
Рик1из фадлай амач кьарай:
Акунамаз куьк1вей дак1ар,
Чар татайла, ийиз гьарай,
Атайла чар - жеда гатфар.
Гагь жеда зун рик1и-рик1 нез,
Туп1аллайиз лагьай гафар.
Гагьни жеда лугьуз-хъуьрез.
Агакьайла зал ви чарар.
Бязи ч1авуз югъ жедалди,
За гьар жуьре хияларда.
Мад сеферда вун къведалди,
За руьгь к1вачел къарагъарда.
Заз Аллагьди акьул гана -
Бахтуникай пай ат1ана.
Зун кьисметда тек тар хьана,
Гаф амукьнач - мез кьурана.
Вуч манаваз заз чир хьанач,
Чун чахъ галаз гуьруьшарна?
Чара хьунухь эхиз хьанач,
Зи чини къе биришарна.
Пара яргъа ават1ани,
Рик1елай вун алатдай туш.
Чи араяр къанат1ани
Рик1 рик1ивай къакъатдайд туш.
Эхиримжи чар
© Copyright: Гасанова Гюзеля, 2013
Свидетельство о публикации №113052907881
Свидетельство о публикации №113052907881
Рецензии