Ингье варцел атанва,
Чи вил алай ц1ийи йис.
Кьуд пад иер ч1аганва
Кьуьд хьанава чаз халис.
Къе к1анзава лугьуз квез,
Зи халкь, зи эл, лезгияр!
Тади ква квек гьазур жез,
Ийизва къе харжияр.
Куь к1валера шадвал хьуй,
Мугьманарни атуй бул.
Куь хзанриз бахтар гуй,
Чандин сагъвал, чими къул.
Гьамиша хьуй рик1 ачух,
Куь берекат хьуй артух.
Квез къведайди гьамиша
К1ан я хийирар хьунухь.
Аяз бубади гъурай
Квез к1ани тир савкьватар.
Ц1ийи йисуз квез гурай
Гьич такур кьван къуватар.
Дагъ хьурай квез архаяр,
Сагърай диде-бубаяр.....
Ингье, вахар- стхаяр,
Чаз ц1ийи йис атана.
Ц1ийи йис
© Copyright: Гасанова Гюзеля, 2013
Свидетельство о публикации №113052907724
Свидетельство о публикации №113052907724
Рецензии