ГьикI умуддив атанва зун гуьруьшдиз,
Эрзиман яз ихтилатдал илигин.
Ви къаматдиз, буй-бухахдиз, еришдиз
Несиб хьанач, амма мадни килигин…
Мад тамарзу амукьна зун и сефер,
Мили ванцихъ, наз гунирихъ вилерин,
Перишан я, чIуру я къе зи кефер,
Къуьнералла саки дердер чилерин.
Авач вакай ина гьич са сурагъни,-
Зун паталди ичIи я багъ гуьруьшдин...
МичI я кьуд пад - алцифнава чи рагъни,
Кьуьд атанва кIанивилин уьруьшдин.
Тек ацукьна зун жув жував рахазва,
Тарцин кIаник са кетилдал сефил яз,
Багьнадилай кIанидан рикI на хазва,
Яраб вучиз, себеб вуч я - чидач заз…
Атанач вун...
© Copyright: Билал Адилов, 2013
Свидетельство о публикации №113052806896
Свидетельство о публикации №113052806896
Рецензии
