Мад са расал, мад гьа макан,-
Мадни гьуьлуьн яхада чун…
Чаравили гузмач аман -
Мад чуькьуьзва хахада чун...
Мад манидал илигзава,
Чи рикIери, билбилри хьиз,
Мад вилери килигзава,
Сад садалай алуд тийиз…
Зун бахтавар тирди чир хьухь!-
Мад атанва вун зи вилик,
Мадни амма къалабулух
Гала къенин и шадвилик.
Вучиз бес чун жезва чара, -
Лугьуз рикIи гузва суал,
Им са дерт я - авач чара!
Кумач захъ гьал, кьунва зи чIал…
Авач чара...
© Copyright: Билал Адилов, 2013
Свидетельство о публикации №113052806568
Свидетельство о публикации №113052806568
Рецензии