Мен гузель халкъымызда
Бир азиз ташны таптым.
Ёкъ бутюн бу дюньяда
Онъа ошагъан алтын.
Шу ташнынъ ады – эльмаз!
Эльмаз исе – тувгъан тиль!
Тильсиз ич миллет олмаз,
Тильсиз хорлукъта эр иль!
Эй! Къырымтатар! Сакъла!
Шу ташны гонъюлинде.
Аллахтан олгъан бахшыш
Тек санъа, миллетине!
Ай, халкъым, риджа этем:
«Джойма тек озь тилинни!»
Гурь багъыр: «Севем!Севем!
Ватаным, миллетимни.
Ич кимсе, ич бир вакъыт
Тартып оламаз оны.
Ич бир олмайджакъ девлет
Къыралмаз эльмазымны!»
Ноябрь, 2003 с.
Эльмаз
© Copyright: Эльмара Мустафа, 2013
Свидетельство о публикации №113051305466
Свидетельство о публикации №113051305466
Рецензии