Кайиди туш зун дяведин ц1аяри
Кужумайд туш чанди каш, мекь, гужарни,
Гъалибвилин югъ алукьдай йикъари
Кутазва зак дамахни фурс луварни.
Зи къатдавай, зи аялрин яшарин
Таяр тир куьн,ветеранар-архаяр,
Гьа куьне хьиз, ягъугъ, гьахълу крарин
Рекье чан гуз гьазур я чун, рухваяр.
Уьмуьрдин са пай гайибур къулайди-
Ам куь гьунар къуватни я, агалкьун,
Муькуь пайни- имтигьан чаз-вахкайди
Ахтармишдай: акьул вуч я, алакьун.
Багъишламиш ая куьне, азизбур,
Агакьтавур гъакъи ч1угур зегьметдин
Гьахъвилихъни гъахъсузвилихъ вердишбур,
Сагьибар чи элдин еке гьуьрметдин.
Инанмиш хьухь, Ч1ехи Дявед Аскерар,
Кьадар гила агакьнавай текерив,
Ислягьвал хуьз к1ват1ал жеда невеяр,
Гьар 9-майдиз обелискрин ценерив.
4/05/2012
Игит бубайриз
© Copyright: Джарият Магомедова, 2013
Свидетельство о публикации №113051102155
Свидетельство о публикации №113051102155
Рецензии
Ваз късан бажарагълувал ганва Аллагьти патай!
Ваз ам гьалалвилелди ислемишдай яргъи уьмуьр гурай!Бахтунив агакъдай рекъ хьурай,чан Жарият!
Сельмина Курабекова 18.02.2016 15:27 • Заявить о нарушении
Ваз ам гьалалвилелди ислемишдай яргъи уьмуьр гурай!Бахтунив агакъдай рекъ хьурай,чан Жарият!
Сельмина Курабекова 18.02.2016 15:27 • Заявить о нарушении