Халкь кабуршан

Лабкува буиб ангъи,
Суд уршилис бирулри,
Цай жего-жегой цайри,
Язихъле их калъуври.

Судике кIайцIахъуври,
Дахъол халкь чукьбикилри,
Судьялартли уршилзе,
Гъай укIан иле иби.

ВехIихьиб их гъай укIас,
БехIбихьиб халкь лихIяхъес,
Ихини дурибтаке,
Вай духIна бухъун бисес.

—«Нам цархIале яцIал дус,
Ну хъуликан гьавхъунра,
Дикра-дикиб чумил дус,
Ужес урса угьунра».

—«ДикибхIале гъаял дус,
Вайта урга ну цайри,
Урса угьура билгIес,
Зулмуртера дирулри».

—«Ца замайзе билгIулри,
Нушани варгина ши,
Вай кара-кабуршулри,
КIабицIунте намке къарши».

—«Дисичу хIярт укIулри,
Кумбазера ухIулри,
Ца замайзе тIама буб,
;ВАЙ ДАТАБА ДИЯ УРШИ!;»

—«Гьарсугьуле тIарира,
Дудеш чIябалзе кейъира,
АтIува михъилзе дис,
РубкIуле неш раргира».

—«Барая гьанна нам суд,
Дегъуб дия дуруй гъай,
Барая нам каршуй суд,
ХIина дия гIямру аргъай!»

"Гьанна бяхIиб итI ангъи,
ИтI уршира кавшиби,
Ихия жего-жегодеш,
ЦIяб хIябизе берхIиби"