Баарь
I бейит
Бу сабах уяндым кунеш нурындан,
О коктен узанып бетимни сыйпады.
Бахчемде агъачлар атты фидан,
Табиат ниает юкъудан тирильди.
Багълама
Корьдинъ ми? Кене кельди баарь.
Ач гонълюни, къушларнен йырла.
Садыкъ ёлдашынъ олсун баарь.
Йыл боюнджа оны гонълюнде сакъла.
II бейит
Айдын умютлер кетирген баарьде
Янъы сатырдан язылыр йырлар.
Темиз ниетлернен догъгъан бу куньде
Огюмде ачылды янъы уфукълар.
Багълама
III бейит
Кулюшинде белли олмаса кунеш,
Баарь кельгени неге ярады?
Юрегинде сонмейип янса атеш,
Фаркъы бар мы анги мевсим кельди?
Багълама
Баарь
© Copyright: Сервер Садыков, 2013
Свидетельство о публикации №113041800846
Свидетельство о публикации №113041800846
Рецензии