Си лIапIэм темыхуэу зблэкIа шэхэр,
Зэман дэкIауэ си нэгум къыщIохьэж.
ФокIэщIкIэ гъуанэдэууэ къызэуахэм,
Си япэ хьэршым кIуауэ мэпшынэж.
Сэ цIыхум сыщIэнакIэуэ си хьэлкъым,
Хъарыпхэм я щхьэр зырызурэ согъей.
Ахэр гъащIэ кIэщI зыщIар сэракъым,
СиувыкIауэ уафэм сыдоплъей.
Жагъуэгъу къэнахэм макъкIэ сахуолъэIур,
Си япэм куэдрэ Тхьэм иригъэтыну.
Сэ ахэращ си жьауэр,
Сахуейщ абыхэм сыкъызщIагъэстыну!
Удын зэхэдзэм нэхъыфI ищIи щыIэщ,
ЗыкъызтезышащIэхэм сэ сыкъагъэгубжь.
Баш зырыз яIыгъыу мэхъур ахэр зы Iуэ из,
Сэ си закъуэпцIашэщ – сыерыщщ.
ГуращэфIу сиIэм и инагъыр,
Iуащхьэмахуэ нэхърэ нэхъ цIыкIукъым.
Си лIапIэр аращ нэхъыфI зыщIыр,
Гу уз жыхуаIэр дэнэ щыIэм сщIэркъым.
Си кхъаблэм щIэувэну къызылъысхэм,
Къэрабгъэу сыщытауэ жырамыIэ.
Сэ нэчыхь къабзэкIэ дунейм сыкъэмыкIуатэм,
Схэлъыну къыщIэкIынтэкъым зышыIэ.
ЗызышыIэ
© Copyright: Абубакир Жемухов, 2013
Свидетельство о публикации №113041703382
Свидетельство о публикации №113041703382
Рецензии
