Нана, 1амаде г1иллакхаш,
Оьздангаллин маь1на даста...
Ахь йийца нийсачеран амалш,
Б1аьргаш сан шуьйра схьабаста.
Гайта, хьо санначеран дахар,
Хьо хасто ца лаахь хьайна.
Ала, муха ц1е йоккху наха,
Ас дика ладуг1у, д1аязъеш сайна.
Амма, Нана,хьан б1аьргех хи дели...
Хууш яц, х1ун хилла хьуна,
Муьлха дош айса нийса ца эли...
Хьайна цатам хиллехь а, дийцахьа суна.
Дош ло ас, 1емар ю,
Хьох масалла оьцуш,
Хьо санна,дуьнен т1ехь яха.
Б1аьргийн хин т1адамаш 1енаш,
Алахьа, хала дуй яха?!
* * *
Ненан б1аьрхиш
© Copyright: Петимат Юсупова, 2013
Свидетельство о публикации №113041408618
Свидетельство о публикации №113041408618
Рецензии