Зляцеліся зорачкі дзіўнымі птушкамі ў вырай,
падзюбалі неба, паселі праз дзіркі сачыць:
чаму маладзік усміхаецца шырай і шырай,
каго выглядае з-пад коўдры бахматай начы?
Каму да світання спявае імгла калыханку?
Куды накіроўвае ветрык пяшчоту сваю?
І што за яліна расце пры хаціне ля ганка?
І хто і нашто запаліў у акенцах агні?
Усё ім цікава, усё незвычайна хвалюе.
Вось толькі не ведаюць зоркі, што я давідна
на іх цікаванне гляджу і таксама пільную –
а ці не зляціць мне на шчасце ў далоні адна?
10.04.2013
Зляцелiся зорачкi...
© Copyright: Демьянова Татьяна Дмитриевна, 2013
Свидетельство о публикации №113041009213
Свидетельство о публикации №113041009213
Рецензии
На это произведение написаны 3 рецензии, здесь отображается последняя, остальные - в полном списке.