Ашкъиди, ваз чидач, заз шадвал гъанач,
Легьзеда атана гьич аман ганач,
Я къелем цуналди, кутур багъ хьанач,
Яд пара хьанатIа - кьурана хилер...
Акурла ашкъидин цIай – къаяр яман,
Лагьана, вучда за, муьгьуьббат я ман,
Чир хьуьхь, гьикI азиз я, гьикьванни масан,
Уьмуьрдин рекьера вуна тур гелер.
Зи йикъар яргъи я, йиферни сефил,
Ругьдин ичIивили падиз рикI цIил-цIил,
Ксанвай шегьердал жезва зун пехил,
Агъудиз элкъвейла ашкъидин селлер.
Амма эвичIдач зун икI виняй агъуз,
Лиф хьана акъатда, лув гуда цавуз,
Хкведа ви патав гатфарин юкъуз,
Мад ахкун паталай кIани тир вилер…
Хкведа ви патав гатфарин юкъуз
© Copyright: Билал Адилов, 2013
Свидетельство о публикации №113032703461
Свидетельство о публикации №113032703461
Рецензии