Псыхъуэгуащэ

Сы жьакIацэу, сы пэцIурэу,
МахуэгъакIуэ сыщежьам,
Зым и жыпми симыплъэу,
Сырикъунут къыздэсщтам.
Сэ къэслъыхъуэр зэзгъэнтIэIуу,
Зы фадэбжьэ сыздефэнт,
Уашхуейм деж ахэр кIуэду,
Зэхэсхамэ, "пцIыщ"- жысIэнт!
Дауэ щымытми, зыхуэщIыхьэр,
Дэ ди дежIэ псыхъуэм макIуэ,
СыздрикIуэм «зэхыхьаIэм»
ЯжесIэнурат – гупмахуэ…
Зи Iэщ жэшым къэта дадэу,
Налшык псыхьуэр щIэсщыкIащ,
Бдзэжьей защIу псым хыхьа хъунт,
ПщIэншэу къыздефэн згъуэтакъым?
Сэри сы инатщ,
Лъэмыж дакъэм деж щемыфэм,
Щефэн ***йт мэзлъапэм…
Згъуэтыну сщIамэ Афэр,
БрэмтэкIэ "есхулIэнут»,
И унэгуащэр цIыху жумартщ,
IэфIу тхуэпщафIэнут.
Совет властым и зэманым,
Ар пэбжьаууэ щытакъым,
ЛIыри фызри зэхудэу,
ХьэщIэм щыгуфIыкIт!
Зэрыгъэсэжауэ,
Ахэр хабзэщIэкъут,
Хъэрычэтыр яIэти,
Берычэтыр къакIуэт.
ЗэгурыIуэ-зэдэIуэжхэр,
Уехьуапсэуэ къэрут,
Адыгэ нэщэнэфIхэр,
Абджыпсыуэ зэрахьэрт.
Алик и чэнджэщыр
Хуабжьу къысщхьэпащ,
Ахэм ещхьу сэри,
Нобэ сы быныфIэщ…
Е-е гукъэкIыж, гукъэкIыж,
ГъэпкIауэ сыкъэнащ,
"Берег"-р. щытыжкъым?
МетритIым щIигIу Лысенко
Фырэм щигъэлъам,
Ресторанам цIыхуу щIэсыр,
Ауэ къэуIэбжьатэкIым.
«КъуийцIыкIу» щэджащэр** къытекIуэнт,
Ар щтапIэ кIуэри,
ИужькIэ слъагъужакъым.
"Берег"-р щымытыжми,
Зитакъымэ тэхьуанэм**,
Абы хъуэхъуу щыжаIам,
Тхьэм химын - щIэбакъуэр!
Бэлэбанэу сыхуэпати
Сыжхьакъым хьэгьуэлIыгъуэм,
«Къеблагъэ апщийм» гуузу,
Сыхэнащ а махуэм,
КъекIуэкIыуэ и нэзым,
Абдежым бжьэ къызатынум,
Тхьэм сыкъыхуимыгъанэт,
НыбжъыщIитIым сом ястыну
Пыхусыхум сигьэкIуакъым.
Дэуэдапщэм блэкIт я Iуэхури,
ЧэруанакIуэу ежьэжащ,
НэхъыфI зыкIи сымыхъуауэ,
Сэ къуэкIийм сыкъыдэнащ.
Дауэ мыхъуми а махуэм,
И кIэр фIым хуэкIуэну сежьэрт,
Пэр ирихыуэ гуэл Iуфэм,
Дзасэм фIэлъу лы ягъажьэрт?!...
Жъым сытесу псым сепыджыу,
ЩызиIам дуней
Пэжыр жыпIэм гуэлым,
Ресторан тетакъым?
Коммунистхэм я зэманым,
Псым дытетыуэ дефэнум,
Гукъыдэж зыщIахэр,
"Поплавок"-т дыздэкIуэр,
Мысостей адэжкIэ мыкIуэу,
Зыгъэхъэнухэр къикIащ,
Демократхэм я Iэужьу,
«Старый двор»-р къызIуахащ!
Я щхьэ ифI зезыхуэхэр,
Абы унэ - чэзуу екIуэлIэнущ,
КъыщаIэт шхыныфIхэр,
"ХьэщIэм" хуащIэр яфIэмащIэщ.
ФIохъус гуапэу псыхъуэгуащэ,
Абы дахэу кхыщыпIуощIэр,
Езым къещIэр уи гуращэр,
Къыпхуеузэдыр - Iэнэр!
А.С. Пушкин и тэурыхъыу,
Зыри пцIы жысIакIым,
Гуэлым ар къыхокI зигъафIэу,
И кIэ мажьэмкIэ псыр щIитхъуу?!...

*Тэхъуанэ – унэ
**Щэджащэ – великан.