ФIэкI къэлэмыр къэзмыщтэну,
Дэпхуэдизрэ тхьэ сэ сIуа,
Мес, аргуэру блокI си мыгъуэр,
Iым игъащIэм жезмыIа.
Зыри ину фымыбауэт,
Къэвгъэщтэнщи, сывукIащ.
Бжьор уеплъыху тепыIэу сщIэркъым,
Нобэ къэмыхъун къэхъуащ.
Ар си нитIкIэ слъагъуу щIым,
Хуэсакъыпэурэ тоувэ,
Куэд дэкIакъым, - абдеж дыдэм,
СыкIэрахъуэу сыщытащ.
Ар абыкIэ сщIам къэкIуэну,
Мывэ сыну сэ сыжынт,
***ту зэ и нэгу сиплъэну,
Дуней мылъку нэхъ нэхъ къэсщтэнт!
Сыту куэд жесIэну сиIэт,
Псэуэ уафэмкIэ къехам,
Мыарэзыр абыкIэ хэт,
ЖыфIэ ещхь зэгуэр флъэгъуам.
Сэ ар фIыуэ зэрыслъэгъуам,
Уэрэдус къысхищIыкIаш
Сыту фIыт, жэуап сиIам,
Батэр куэдрэ хуэзгъэшащ.
Хуарзэу уэгум ит къуршыбгъэм,
Сыт дунейм гукъеуэу иIэ,
Зэ си мыгъуэр къызэплъатэм,
КъыстекIэнут занщIэу дамэ.
Ар зэгуэр къэхъунщ иджыри,
ТщIынщ зэгъусэ дэ тIум абгъуэ,
ФIыуэ щыIэр зыхуищIэнхэ,
СыкъевгъащIэ Дахэнагъуэ!
17.04.1975 г.
Дахэнагъуэ
© Copyright: Абубакир Жемухов, 2013
Свидетельство о публикации №113031603354
Свидетельство о публикации №113031603354
Рецензии
