Хийла дош а цхьа кlаьда кlормац санна,
Дайна доала дlа, ханаш ца зувш.
Кхоана дакъа а хьа улларгдоа денна,
Хьа чурта кlала кlай зизалг кхувш.
Хийла дош а цхьа гердз хинна дlаэкхха,
Из кхоане вай селхане я.
Хьо гуйре сел ювзош ма эккха,
Хьона духьалле lа кийча да.
Са безам, сел хийра кара ма бехка,
Хlаьта вахара поал а бицлу цкъаь.
Из наьха бешара шолх дега тlа ма ехка,
Хьай чоттах ма ваккха lехаваь.
Хийла дош а цхьа хала уйла а хиле,
Хьа дега чу лел беза ког айбаь.
Цу вахара хайрах сардам хьа а хиле,
Шайтlамерза тlа ловз пха боаттlабаь.
Гlермане, 14. Муттхьала бетта 2013 шу
Лоръе уйла
© Copyright: Микаил Сапралиев, 2013
Свидетельство о публикации №113031409472
Свидетельство о публикации №113031409472
Рецензии