Валянцiнкi

Дзень улюблёных – дзень святы.
 Для закаханых – пазітыў.
 Але мяне пакінуў ты
 і нат не па–
 зва–
 ніў.
 Сяджу, сумую ля акна.
 Сябе шкадую – се ля ві.
 Усе па парах, я – адна:
 без кветак і
 люб–
 ві.

Прыпеў:

 А на шкле марозам лепяцца ільдзінкі
 ў маляўнічыя прыгожыя карцінкі.
 І здаецца, што на іх
 ззяюць цуды з мар маіх –
 валянцінкі, валянцінкі, валянцінкі…

 На тэлефон усё гляджу.
 Што гэта сталася з табой?
 Ажно вымучвае душу
 адчайны не–
 спа–
 кой.
 Мо ты ў завеі заблукаў?
 Ці ўсякім святам супраціў
 за мітуснёй надзённых спраў
 зноў пра мяне
 за–
 быў?

Прыпеў:

 А на шкле марозам лепяцца ільдзінкі
 ў маляўнічыя прыгожыя карцінкі.
 І здаецца, што на іх
 ззяюць цуды з мар маіх –
 валянцінкі, валянцінкі, валянцінкі…

 А мо і праўда – я дарма
 на гэты боль марную час?
 Няўжо прыдумала сама
 сабе ману
 пра
 нас?
 Але туга растала спрэс,
 калі увечар папазжэй
 я атрымала СМС:
 “Люблю. Цалу–
 ю.
 Ж”.

Прыпеў:

 А на шкле марозам лепяцца ільдзінкі
 ў маляўнічыя прыгожыя карцінкі.
 І здаецца, што на іх
 ззяюць цуды з мар маіх –
 валянцінкі, валянцінкі, валянцінкі…

18.02.2013