Къачуна за ви чар, кIелна нагъв алаз,
Айгьамар-тегьнеяр, цаз хьиз, рикIе тваз;
Хьанач вун бахтавар, хьанач захъ галаз.
Багъиша, кIаниди, на зун багъиша…
Ви рикIин сузаяр агакьнач лугьуз,
Жафайриз къимет гуз алакьнач лугьуз,
КуькIенвай ялав хуьз алахънач лугьуз,
Багъиша, кIаниди, на зун багъиша.
Белкини лап кьерен са къван ятIа зун?
Руьгь квачир, гьакI къуру са тан ятIа зун?
Вун патал ичIи тир са ван ятIа зун,
Багъиша, кIаниди, на зун багъиша.
Гьижранди, азабди, агьди кайитIа,
Эх тежез, яргъариз квахьна фейитIа,
Ваз хабар тахьана, нагагь кьейитIа,
Багъиша, кIаниди, на зун багъиша…
Багъиша, кIаниди, на зун багъиша...
© Copyright: Билал Адилов, 2013
Свидетельство о публикации №113021701174
Свидетельство о публикации №113021701174
Рецензии
Рикlе чка кьадай, рикlи чlугвадай шиир я.
Гзаф хуш я заз куь муьгьуьббатдин лирика.
Вадим Адилов 13.09.2015 22:32 • Заявить о нарушении
Гзаф хуш я заз куь муьгьуьббатдин лирика.
Вадим Адилов 13.09.2015 22:32 • Заявить о нарушении
На это произведение написаны 2 рецензии, здесь отображается последняя, остальные - в полном списке.