Илифайла зи Хуьрелдал.»
Ракъин вичин сифте нурар,
Зи ватандал вегьезва.
Ахпа элдин хада ахвар
Тlебиатдиз вич хъуьрезва.
Бирдан гьарай-эвер ийиз,
Башламишда къурал кlекре.
Хуьруьн рушар булахдал физ
Квар къуьневаз жеда рекье.
Къушар чпин яда макьам,
Уяхарда мублагь чуьллер.
Хупlажеб тушни и макъам?
Кеспидик кваз акваз эллер.
Чи аялар кlелиз ктаб,
Даим цлан кlане жеда.
Жегьилрини чlугваз «азаб»
Чпиз гьалал ризкьи неда.
Ахсакъалар суьгьбетрик кваз,
Аквада чи хуьруьн кимел.
Дишегьлияр ксар жакьваз
Сар эвягъиз жеда гъенел.
Темен гуд за куь кlвачериз,
Атайла куьн зи Хуьрелдал!
Женнет аквад куь вилериз,
Илифайла зи Хуьрелдал!
Илифайла зи Хуьрелдал...
© Copyright: Владик Батманов, 2013
Свидетельство о публикации №113021306181
Свидетельство о публикации №113021306181
Рецензии