АдэфIым и Iэужьу,
Сыхъуащ сэ «джаурыжь»!
Сыхуейми сыхуэмейми,
ЖысIам къохъу сыщепцIыж.
Абы нэхърэ нэхъ цIэпIагьэ
Дунейм темыту къабж.
Дефолтым ер къыхукIуэ,
Имычэзууэ – фэбжьт.
Ди адэм сыщигъасэм
ИщIакъым дыгъужь гугъу,
Иджы дзакъапIэщ си лъэр,
ЩыIэжкъым – цIыху гущIэгъу.
Си дежкIэ Маркс и дерсхэр
ТIуащIэуэ нэхъ щхьэпэт,
ЩIы хъурейм цIыхуу тетыр,
Абы дызэшу жиIэрт.
ЛIы Iущым дзы фIащауэ
Иджы хьэм ирагъэхьыр,
ЯгъэIу фIы дыIущIауэ,
Зи жыпхэр фIыу зыкъуахэм?...
Ахэм сакъыдэжу щIэздIэм,
Зы цIыху зытезгъэкIуэнкъым,
Дуней былымыр яIэми,
Щу гъусэ сахуэхьункъым.
ЗызыщIэж
© Copyright: Абубакир Жемухов, 2013
Свидетельство о публикации №113020612505
Свидетельство о публикации №113020612505
Рецензии