Париж дауи Къулъкъужынкъым,
ПщIэ ухуейм абы умыкIуэ!
Уи тепIэным фIыу еплъыжи,
Абзуанхьэблэ деж щепсых.
Абы дэсхэр цIыху жумартхэщ,
СыщыIауэ фIыуэ сощIэр,
Ноби IэфIу телъщ си бзэгум,
СхуапщэфIау щыта джэдлыбжьэр!
Ахэр псори лэжьакIуэшхуэщ –
УхуэзэнкIэ мэхъу дэысу,
Щхьэрыгъажэ ар умыщIыу,
Зыдэгъахуэ уэ Къуэнхьэблэ.
А жылитIым къызэдэжэу,
ЦIыху къахуэкIуэм ягъэхьэщIэ.
Быдэу щIы уи фIэщ а махуэм
ЦIыху ехъулIэм уехъулIакIэ!
Париж укIуэм нэхъ шхыныфIу
Уагъэшхынущ хьэпщхупщ гуэрхэр,
Уэ итIанэ франджхэм дежкIэ,
Къытебгъазэу уеплъэкIынкъым…
Къулъкъужын хэт япэ кIуэми,
ЩIалэ гъусэу сыкъыздэфщтэ,
Ахэм фIыу ялъагъу Зеикъуэр,
Гъавэ бэв къытхуокIри гъэкIэ?
Сыкъэвмыгъанэ
© Copyright: Абубакир Жемухов, 2013
Свидетельство о публикации №113020611757
Свидетельство о публикации №113020611757
Рецензии
