Адыгэбзэ зымыщIэжхэм,
Сэ язох фIохъус салам?!
Ар зэхахым ди адэжьхэм,
Мащэм здилъым загъэзэнщ.
Жьыщхьэмахуэ сымыхъу щIыкIэ,
Сыфщхьэпэну сэ сыхуейщ,
Ноби Iуэху вдэсщIэнущ слъэкIмэ,
Куэдым ящIэу сы-алийщ!
Сыт дунейм утеткIэ Iущу,
ПхужымыIэу узыхуейр,
УзыIууэм дзы къыпфIищу,
ЩIэбгьэгуфIэр сыт уи бийр?
Ди нэхъапэ хьэршым кIуахэм,
Я гуэныхьыр ятекIащ,
Адыгэбзэр къыздащтакъым,
Анэмэту къытхуэнащ.
Маржэ,
Бзэм фыримыджэгу!
Ар, фэкIапсэу зэ тIэщIэкIым,
КъэкIуэжынкъым зэи ди жьэгу.
08.06.2011
Маржэ!
© Copyright: Абубакир Жемухов, 2013
Свидетельство о публикации №113012610815
Свидетельство о публикации №113012610815
Рецензии
